Salmos 78:67-72

⁶⁷Josëpita mirar aywajcunata mana yanaparannachu. Efraín trïbutaga mananami acrarannachu.

⁶⁸Chaypa ruquenga Judäpita miraj cajtawan cuyashan Sión lömatanami acraran.

⁶⁹Chaychönami rispitädu wasinta syëlutano fiyupa jatunta ruraran. Cay pacha imaycamapis cashanno cananpämi sumaj camacächiran.

⁷⁰Sirbejnin Davidtapis uyshëru caycajta acraran.

⁷¹Paytaga uyshata gatisha puriycajta jorgurcurmi churaran acrashan Israelcunata ricananpaj.

⁷²Davidga alli shongu carmi Israelcunata alli ricaran. Yarpaysapa carmi alli mandaran.