SALMOS 75:8-10

⁸Toteco quipixtoc imaco se caxit cati temitoc ica tailisti cati nelía cococ. Huan ya nopa eltoc nopa tatzacuiltili cati quintitanilis taixpanoca masehualme ipan ni taltipacti. Huan monequis quiise hasta quitamise ica nochi itetejtzo.

⁹Pero na para nochipa nitepohuilis nochi cati quichijtoc Toteco Dios, yaya cati iTeco Jacob.

¹⁰Yaya quiijtohua: “Na nijtamiltis ininchicahualis nopa fiero masehualme, pero cati itztoque xitahuaque noja niquinmacas más chicahualisti.”