SALMOS 75:2-6

²Huan Toteco Dios quiijtohua: “Quena, quema ya nimocualtalijtos, na niquixquetzas se tonali. ¡Huan niquintatzacuiltis quej quinamiqui nochi nopa taixpanoca masehualme!

³Masque ni taltipacti mohuisos huan nochi masehualme huihuipicase, itaquetzalhua amo huetzise pampa na niquinquetztoc cuali ipan inilugar.”

⁴Niquinilhui masehualme cati mohueyimatij ma amo mohuihuinequica. Huan niquinilhui taixpanoca masehualme ma amo mohueyimatica.

⁵Niquinilhuijtoc cati quipiyaj chicahualisti ma amo tetamiijilhuica. Huan quema ancamanaltij, amo ximoyacaquetzaca para anmohueyimatise.

⁶Pampa san Toteco hueli tehueyitalía. Amo aqui cati huala ten campa quisa tonati, o ica campa oncalaqui, o campa huactoc tali huelis quihueyitalis se masehuali. ¡Amo!