SALMOS 75:1-9

¹“Žóx̱keno'”, že'to' Le', Dios: “žóx̱keno'.” Ẕzenlto' benách ka' zóaḻeno' Le' neto', na' beno' da' ka' žóngaken ga žebanlto'.

²Ẕnna Dios: “Bzoa' ža wchi'a ḻaža'a benne' ka'. Wchi'a ḻaža'a ḻo da' nak chawe'.

³Ḻa'kze x̱o' dot yežlyó, na' x̱ize yógo'te da' de, gona' ga ga'n choch x̱ni'a yežlyón'.

⁴Žapa' benne' yaḻ ḻaže' ka': Bi sa' ḻáže'le da' ẕen. Žapa' benne' wen da' ẕinnj ka': Bi wká'n ẕen kwinle.

⁵Bi wx̱én ḻáže'le yeḻa' waḻe chele. Bi gakle benne' ḻaẕdo' zide ka'.”

⁶Bi za' yeḻa' ẕen gan ẕḻa' wbíž, na' gan ženen, na' bi zan' ḻo latje dache.

⁷Dios nake' Benne' wchi'a ḻaže'e benne' ka'. Ẕka'ne' ka'ze to benne', na' ẕka'n ẕene' yetóe'.

⁸Dios nox̱e' to ẕiga', da' nžan' x̱is uba waḻ, dan' zejḻasen yeḻa' ẕža'a chie'. Wlaljen', na' benne' wen da' ẕinnj ka' yé'jgaken'. Yé'jgaken' na' zejte yebižten,

⁹san neda' wzenkzla' benne' ka', na' goḻa' da' we ḻawa' Dios che Jakob.