Text copied!
CopyCompare
Bab-Dummad-Garda-Islidikid - Salmos - Salmos 74

Salmos 74:13-23

Help us?
Click on verse(s) to share them!
13Be-garganguedgi be demar egasbalid, be ibdulamar-dummagan-diakinmalad-e-nono marisad.
14Be ibdula-dummad-diakined Leviatánʼye-nugad-e-nono ubigwar be imaksad. Ibdurgan-negsulidganba-gudimalad Leviatán-e-san-gunmalaga be imaksad.
15Dii-sailagan-ariogega be imaksad, dianmar-megega be imaksad, diwar-dummagan-mamaid-dinguega be imaksabalid.
16Be neg-meegwad nasiksad, mutikid be nasiksabalid. Be nii nasiksad, dad-ibeler be nasiksabalid.
17Napneg-naid-e-abingunanaid be mesisad, Be dii-wied-iba nasiksad, yolagued-iba be nasiksad.
18Bab-Jehová, nue be ebinsao: Be-isdarad begi ulusad. Dule-galagwensurdamalad be-nug isdar-daksamalad.
19Be-dula-belagwa-gudimalad mer be ibdurganga urmake. ¡Be-dula-wiledimalad mer be iego!
20Bab-Dummad, be-dulaga-be-igar-mesisad be ebinsao, mer be iego. Ar we-napneggi bela neg isgusnaid, bela neg-urwed naid.
21Dule-boniganba-galitodiid, melle be obingegsao. Dule-boniganba-galitodiid, dule-ibmar-abediid, be-nug-odummogega be imake.
22¡Bab-Dummad, be-gargangued be oyoge! Be, dule-binsaedsuligudimalad bane-bane begi-urwedimalad, mer be baisurdake.
23Be-isdarmalad-begi-oimaknanaid, mer be baisurdake. Ar begi-yoledimalad nue-mergumamaid.

Read Salmos 74Salmos 74
Compare Salmos 74:13-23Salmos 74:13-23