Salmos 74:13-19

¹³Lamar yacutapis munayniquiwanmi ishcayman raquirirayqui. Lamarcho tiyaj waräcuypa umantapis paquirgärishcanqui.

¹⁴Waräcuy Leviatanpa umantapis llapirishcanquimi. Wañuycacherga chunyajcho tiyaj animalcunatami garashcanqui.

¹⁵Gammi pashtachimushcanqui pucyutapis, yacutapis mayu cananpaj. Mana chaquej mayucunatana chaquichishcanqui.

¹⁶Gampa munayniquichömi caycan junajpis chacaypis. Gammi camacächishcanqui quillata, intitapis.

¹⁷Gammi señalashcanqui maycama mundu cananpäpis. Gammi nishcanqui tamya quilla, usya quilla cananpäpis.

¹⁸Tayta Dios, ama gongaychu chiquishojcuna gayapäshushayquita, mana tantiyajcuna contrayqui parlacushanta.

¹⁹¡Nogacunataga pasaypa ama gongaycamaychu! Nogacunaga carcaycä chacwa-mallwanöpis pishi töpayllami. ¡Micucoj animalcunamanga ama cachaycamaychu!