SALMOS 73:22-28

²²Pampa niquitac para tahuel nihuihuitic nieltoya. ¡Hasta ninesiyaya moixpa quej se nitapiyali cati amo quipiya italnamiquilis!

²³Pero masque ya ni nopantic, nochipa niitztoc mohuaya ta, Toteco, huan techitzquitoc ipan nomanejmat.

²⁴Huan nijmati para motamachtil quisenhuiquilis nechyacanas ipan nochi nonemilis. Huan teipa, quema nimiquis, techselis nepa mochaj campa tacuajcualtzi.

²⁵Amo aqui seyoc nijpiya nepa ilhuicac. ¡San ta, tinoTeco Dios! ¡Huan san ta nimitznequi ipan ni taltipacti huan amo aqui más!

²⁶Quemantica nimococohua huan nimotequipachohua. ¡Pero Toteco Dios yaya mocahua para nochipa! Yaya quifuerzajmaca noyolo huan san yaya noaxca para nochipa.

²⁷Pero Toteco quintzontamiltis nochi cati amo quinequij quihueyichihuase. Quena, yaya quintzontamiltía nochi cati quitahuelcahuaj.

²⁸Pero na achi más nimonechcahuis campa Toteco Dios, pampa ya nopa cati más cuali para na. San ipan TOTECO nimotemachijtoc pampa yaya noTeco. Huan niquinpohuilis nochi masehualme nochi nopa cuajcualtzi tamanti cati yaya nechchihuilía.