SALMOS 71:19-23

¹⁹Toteco Dios, mochicahualis huan cati xitahuac tijchihua onajsi hasta ilhuicac. Ta tijchijtoc huejhueyi tamanti. Amo onca seyoc Dios quej ta.

²⁰Ta techcahuilijtoc ma nijpano huejhueyi taohuijcayot huan tequipacholi. Pero nijmati para teipa, sempa techtananas ten campa nopa ostot, huan tijchihuas ma nimoyolcui. Huan sempa nijpiyas nemilisti.

²¹Huan huajca achi más techhueyitalis huan sempa techyoltalis.

²²Huan na nimitzpaquilismacas ica tatzotzonali ten arpa huan guitarra. NoTeco Dios, nihuicas tiohuicat cati tepohuilía para tijchihua nochi cati tiquijtohua. Ta titoTeco tiisraelitame huan titatzejtzeloltic huan nelía titemachti.

²³Ica paquilisti nitzajtzis huan nihuicas para niteilhuis quenicatza techmaquixtijtoc.