SALMOS 71:18-24

¹⁸¡Toteco Dios, ama quema ya nihuehuentzi huan nicuaichyojqui, amo xinechtlahuelcahua! Noja xinechmaca yolistli para niquinpohuilis tlen mohueyi chicahualis ni tlacame tlen itztoque ama huan tlen teipa tlacatise.

¹⁹Toteco Dios, mochicahualis huan tlen xitlahuac tijchihua onajsi hasta elhuicac. Ta tijchijtoc huejhueyi tlamantli. Ax onca seyoc Dios queja ta.

²⁰Ta tinechcahuilijtoc ma nijpano huejhueyi tlaohuijcayotl huan cuesoli. Pero nijmati para teipa, sampa tinechtlalanas tlen campa nopa tlacoyoctli, huan tijchihuas ma nimoyolcui. Huan sampa nijpiyas yolistli.

²¹Huan huajca achi más tinechhueyitlalis huan sampa tinechyoltlalis.

²²Huan na nimitzpaquilismacas ica tlatzotzonali tlen arpa huan guitarra. NoTeco Dios, nihuicas tiohuicatl tlen tepohuilía para tijchihua nochi tlen tiquijtohua. Ta titoTeco tiisraelitame huan titlatzejtzeloltic huan nelía titemachtli.

²³Ica paquilistli nitzajtzis huan nihuicas para niteilhuis quejatza tinechmaquixtijtoc.

²⁴Semilhuitl nitepohuilis para ta tijchihua tlen xitlahuac, pampa nochi tlen quinequiyayaj nechmictise tiquinpinahualti huan tiquinechcapantlali.