Salmos 71:11-16

¹¹dxelenné̱': “Ba bsan Dios le̱'. Chéajdxu cheajté̱ladxu le̱' lawe' da québedxa nu zua nu guselá le̱'.”

¹²¡Dios, quebe su' zitu' naga zua'! ¡Dios chia', gudázega gácale̱nu' neda'!

¹³¡Be̱n xelexedué'ene̱'! “Be̱n xelexenite benne' ca' dxeledábague̱' neda'.” “Be̱n xelezúa xel-la' stu', ne xeleque zréaje benne' ca' dxelezá lazre̱' xelune̱' chia' da cale̱la.”

¹⁴Neda' tu cueza lázrezqueza' Lue', ne tu güe lá'anazqueza' Lue'.

¹⁵Guzenda' bénneache nacu' xrlátaje, ne tu guzénzquezda' le̱' ca da be̱nu' bseláu' neda', láqueze quebe nezda' bal-la lasa bseláu' neda'.

¹⁶Tu guchálajzqueza' chee̱ da zrente̱ da be̱nu' Lue', Xrana' Dios, ne gusá'a lazre' bénneache chee̱ da xrlátaje cheé̱quezu'.