Salmos 69:33-36

³³lawe' da dxene Xránadxu benne' ca' dxelexázrjene̱', ne quebe dxuzúe̱' chalá'ala benne' chee̱' ca', benne' zaj xu'e̱ lizre xia.

³⁴Le güe lá'ana Le̱', le'e zrale xabáa, ne le'e, zrale lu xe̱zr la xu, ne le'e zrale lawe' nísadau', ne cá'anqueze xúgute̱ da zaj naca ban xúgute̱ lataj caní.

³⁵Dios guselé̱' benne' zaj zre̱'e̱ xe̱zre Sión, ne xexune̱' xe̱zre ca' zaj zra na lu xe̱zr la xu chee̱ benne' Judá ca', na' tu xelezúazqueze̱' na', ne gata' chee̱' xe̱zr la xu na'.

³⁶Zri'ine zre sua benne' we̱n zrin chiu' ca', gaca chee̱' xe̱zr la xu na', na' benne' ca' zaj nazrí'ine̱' Lau' Lue' xelezúe̱' na'.