SALMOS 69:2-8

²Eltoc quen nimasitoc ipan soquitl catli huejcatla huan amo hueli niquisa. O quen nechyahualosquía tlahuel miyac atl huan huejcatla.

³Tlahuel nichocatoc hasta nisiyajtoc. Nimitztzajtzilijtoc, Toteco Dios, hasta nechcocohua noquechtla huan ayacmo hueli nicamanalti. Nochi noixteyol samajtoc ica choquistli. Ya niixcuatqui pampa campa hueli nitlachixtoc para niquitas sintla tihuala, Toteco Dios, para techpalehuis.

⁴Tlahuel miyaqui nopa masehualme catli nechcualancaitaj masque amo tleno niquinchihuilijtoc. Nelía quipiyaj miyac chicahualistli nocualancaitacahua catli quinequij nechmictise. Pero na amo niquinixpanotoc. Quinequij nechtlatzacuiltise ica se tlamantli catli amo nijchijtoc.

⁵NoTeco Dios, ta tijmati para nelía nihuihuitic, huan tiquiximati nochi notlajtlacolhua.

⁶TOTECO, ta tiDios Catli Tijpiya Nochi Chicahualistli, amo xiquincahuili ma huetzica ipan tlajtlacoli por na notlajtlacol, nopa masehualme catli motemachíaj ipan ta. Ta catli titoTeco tiisraelitame, amo xiquincahuili ma mopinahuaca sequinoc israelitame ica catli nijchijtoc na.

⁷Pampa nimitzicnelía, niquijiyohuijtoc pinahualistli, huan nechhuetzquilijtoque hasta amo nijmatqui tlaque nijchihuasquía.

⁸Hasta noicnihua nechchihuaj quen amo nechiximatij huan nechitaj, quen se niseyoc altepetl ejquetl.