SALMOS 68:32-34

³²Nochi intlanahuatiani ipan nochi ni tlaltepactli, xijhuicatica Toteco Dios. Xihuicaca huan xijpaquilismacaca Toteco.

³³Yajaya tlen nentinemi ipan nopa elhuicactli tlen hasta huejcajquiya eltoc. Xijcaquica itos tlen chicahuac caquisti queja quema tlatomoni.

³⁴Xiquinpohuilica nochi tlacame quejatza hueyi ichicahualis Toteco Dios. Huan itlatlanex ajsi ipan nochi israelitame. Quena, nelía tlahuel hueyi ichicahualis nepa elhuicac.