SALMOS 68:3-11

³Pero nochi masehualme catli itztoque xitlahuaque ma paquica iixpa Toteco Dios huan ma huitonica ica paquilistli.

⁴Xijhuicatica Toteco huan xijpaquilismacaca. Xijhueyitlalica yaya catli nejnemi iixco mixtli, yaya catli itoca TOTECO. Xipaquica miyac iixpa ya.

⁵Toteco Dios yaya inintata catli icnotzitzi. Yaya quinchihuilía catli xitlahuac nopa cahual toahuihua, pampa yaya tlatzejtzeloltic.

⁶Toteco Dios quinmaca ininchampoyohua catli itztoque ininseltzitzi. Huan quinchololtía catli quintzactoque. Pero catli motlepanitaj quintitlanilía mayantli huan tlaijiyohuilistli.

⁷NoTeco Dios, quema tiquinyacantiyajqui momasehualhua tlen tlali Egipto huan tiquinhuicac ipan nopa huactoc tlali,

⁸nopa tlali mojmolini huan huetzqui atl tlen ilhuicactli moixpa. Nopa tepetl Sinaí mojmolini moixpa ta catli titoTeco tiisraelitame.

⁹Toteco Dios, ta tijchijqui ma huetzi miyac atl ipan ni tlali catli tiquinmacac momasehualhua. Quena, ica nopa atl tiquinfuerzajmacac catli moaxcahua quema tlahuel siyajtoyaj

¹⁰Yeca momasehualhua mocajque nica ipan ni tlali. Huan ta ica motlaicnelijcayo tiquinmacac nopa teicneltzitzi nochi catli monequiyaya para ica mopanoltise.

¹¹Toteco quiijto para ya tlatlantoya, huan miyac masehualme tzajtzique chicahuac para tepohuilise catli panotoc. Quiijtojque: