SALMOS 66:4-13

⁴Nochi masehualme ipan tlaltipactli mitzhueyichihuase. Inijuanti huicase para mitzhueyimatise, huan tepohuilise tlen mohueyitilis.”

⁵Xihualaca huan xiquitaquij nochi nopa huejhueyi tlamantli catli Toteco Dios quichijtoc. ¡Quinchihuilijtoc masehualme huejhueyi tiochicahual nextili!

⁶Quihuatzqui nopa atl huan tlatlajco nopa hueyi atl quitlapo se ojtli huactoc campa panoque tohuejcapan tatahua. ¡Nochi israelitame quipixque se hueyi paquilistli ipan nopa tonal!

⁷Toteco ica ichicahualis tlanahuatía para nochipa. Yaya quitlachilía sesen tlamantli catli masehualme quichihuaj ipan nochi tlalme ipan tlaltipactli. Catli amo quitlepanitaj huan catli mohueyimatij, yaya quinechcapantlalis.

⁸Nochi anmasehualme xijtlascamatica Toteco Dios huan xijhueyimatica, por nochi catli quichijtoc,

⁹pampa sesen tojuanti tonemilis eltoc imaco. Quena, yaya techmocuitlahuijtoc huan techyacantoc xitlahuac ipan toojhui.

¹⁰Pampa ta, tiToteco Dios, techyejyecojtoc huan techtlapajpacchijtoc, quen nopa tepos plata catli quimoloníaj ipan tlitl catli tlahuel totonic, para san mocahuas catli senquistoc cuali.

¹¹Ta techmasilti ipan momatla huan tijtlali tocuitlapa tlamamali catli tlahuel etic.

¹²Tijchijqui ma cahuayojnemica topani catli ehuaj sequinoc tlalme. Tipanoque ipan atl huan ipan tlitl. Pero ama techtiochijtoc huan techmacatoc nochi catli cuali.

¹³Ama nihualajtoc ipan motiopa para nimitzmacas tlacajcahualistli tlatlatili. Huan quej nopa nijtlamichihuas catli nimitztlajtolcahuilijtoc para nijchihuas.