SALMOS 65:1-5

¹Toteco Dios, san ta quinamiqui ma timitzhueyimatica, ta catli tiitztoc ipan altepetl Jerusalén. Huan quinamiqui ma timitzmacaca nochi catli timitztlajtolcahuilijtoque timitzmacase.

²Ta technanquilía quema timotlatlajtíaj huan techmaca catli timitztlajtlaníaj, huajca nochi masehualme ipan tlaltipactli ma hualaca campa ta.

³Masque toyolo temitoc ica tlajtlacoli huan techtlantoc, ta techtlapojpolhuía nochi totlaixpanolis.

⁴¡Nelía tipaquij miyac tojuanti catli techtlapejpenijtoc para ma tihualaca, huan ma tiitztoquij mohuaya ipan motiopa catli tlatzejtzeloltic! ¡Ta techmacas hueyi paquilistli huan nochi catli cuali catli onca nopona!

⁵Quema timitztlajtlaníaj se tlamantli, ta technanquilía ica huejhueyi tlamantli. Toteco Dios, nochi masehualme ipan tlaltipactli motemachíaj ipan ta. Quena, masque itztoque hasta campa ontlantoc hueyi atl, nochi motemachíaj para ta tiquinpalehuis.