SALMOS 61:3-7

³Pampa san ipan ta nimotemachía para amo tleno nopantis. Ta tiitztoc quen se huejcapantic cali catli nechmanahuía, para amo huelis nechajsise nocualancaitacahua.

⁴Nijnequi niitztos para nochipa ipan motiopa para techmocuitlahuis. Nopona niitztos temachtli quen se pilpiyotzi catli mocahua ieltlapaltzala inana.

⁵Ta tinoTeco Dios, tijcactoc catli nimitztlajtolcahuilijtoc para nijchihuas. Huan techmacatoc nopa tlatiochihualistli catli ticajoctoc para tiquinmacas masehualme catli mitzimacasij huan mitztlepanitaj.

⁶Xijchihuas para na nitlanahuatijquetl ma niitzto miyac xihuitl, huan para nonemilis ma eli yejyectzi.

⁷Techcahuili ma nitlanahuatis moixpa para nochipa. Techmanahui huan techmocuitlahui ica motlaicnelijcayo.