SALMOS 59:10-16

¹⁰NoTeco Dios, ta nochipa tinechicnelijtoc miyac, yeca nijmati para temachtli tinechyacantiyas. Tijchihuas ma niquitas tlen tlahuel nijnectoc ma ininpanti nocualancaitacahua.

¹¹NoTeco, ta tlen tinechmanahuía, amo xiquinmicti nimantzi ni nocualancaitacahua, pampa huelis ni notlacajhua nimantzi quiilcahuase tlen ininpantis nopa mosisinijca tlacame. Más cuali san xiquinsemana ica mohueyi chicahualis huan xiquinechcapantlali.

¹²Quena, xiquintlatzacuilti pampa nochi inijuanti tlahuel istlacatij, mohueyimatij huan tlatelchihuaj.

¹³Xiquintzontlamilti ica mohueyi cualancayo, huan xiquintlamiixpolihuilti. Huan queja nopa nochi tlacame quimatise para ta, Toteco Dios, titlanahuatía ipan tlali Israel, huan ipan nochi tlaltepactli.

¹⁴Nocualancaitacahua mocuepaj ica tiotlac huan tzajtzij queja chichime, huan quiyahualojtinemij ni altepetl.

¹⁵Nentinemij campa hueli para quitemojtinemise inintlacualis. Huan quema ax ixhuise, tzajtzij seyohual queja chichime.

¹⁶Pero na sesen ijnaloc nihuicas ica nopa chicahualistli tlen tinechmaca. Huan nimitzhueyimatis pampa tinechtlasojtla miyac. San ta tinechmanahuía huan san ipan ta nimotemachía, quema huala tlaohuijcayotl.