Text copied!
CopyCompare
Icamanal toteco; Santa Biblia - SALMOS - SALMOS 51

SALMOS 51:5-16

Help us?
Click on verse(s) to share them!
5Pero na ipa nitajtacolchijquet hasta quema nitacatqui. Quena, ipa nitajtacolchijca masehuali hasta quema pejqui nimoscaltía iijtico nonana.
6Ta tijnequi se masehuali ma mitztepanita ipan iyolo; tijnequi ma tijchihuaca san cati melahuac. Techchihua na ma nijmati motalnamiquilis hasta campa más tatzinta ipan noyolo.
7Xiquijtzelo nopani nopa esti cati tetapajpacchihua, huan quej nopa nimocahuas nitapajpactic. Quena, techpajpaca, huan nimocahuas tahuel nichipahuac moixpa.
8Huan teipa quema ya techtatzacuiltijtos, xijchihuas para sempa ma niyolpaqui. Huan elis quej sempa moyancuilise noomiyohua cati tijtatixchijtoc.
9Amo xijsenhuiquili xijtachilijto notajtacolhua. Xiquixpolo ten moixpa nochi cati amo cuali nijchijtoc.
10NoTeco Dios, xijchihua para noyolo ma eli yancuic huan tapajpactic. Xijchihua para ma nimoyolilhui san ipan tamanti cati cuali, huan ma nijnequi nijchihuas san cati xitahuac.
11Amo techiyocacahua ten ta moixpa, yon amo techquixtili moTonaltzi cati tatzejtzeloltic.
12Xijchihua para sempa ma nijmati nopa paquilisti cati nijpixqui pampa ta techmaquixti. Ica moTonaltzi techchihua para nochipa ma nijnequi nimitztepanitas.
13Huan huajca niquinnextilis moojhui sequinoc tajtacolchihuani cati taixpanotoque quej na. Huan tajtacolchihuani moyolcuepase huan hualase campa ta.
14Toteco Dios, ta cati techmaquixtía, techmanahui ten ni taeticayot cati nijpiya pampa nitemicti. Huan quej nopa nihuicas tiohuicat para niteyolmelahuas para ta tijchihua cati senquisa xitahuac.
15Toteco, xijchihua para sempa ma nihuica, huan nitepohuilis nochi cati techchihuilijtoc huan na nimitzpaquilismacas.
16Pampa ta amo tijnequi ma nimitzmaca tacajcahualisti para techtapojpolhuis. Sinta quej nopa elisquía, huajca ica paquilisti nijchihuasquía. Pero amo mitzpactía ma niquintali tapiyalme ipan taixpamit para niquintatis moixpa, quej se tacajcahualisti tatatili.

Read SALMOS 51SALMOS 51
Compare SALMOS 51:5-16SALMOS 51:5-16