Salmos 51:2-19

²Mangeetsi izuuru tachingeerush, mburish wayangandama.

³Nuw kizpur yutarit ashirangina, Apaa. Anoo mbizamaam pinasakina.

⁴Nuw shiyaa tayutaritarangina; Nuw ashirangi anoo, shiy, Izuuru watsta, tárangsha. Nuwaa wanimaam waritarangsha. Shiy tsinastishcha. Shiy tputsee waneekchush, ¿Chaka shiyaa, yutarittishcha tách?

⁵Itaru, nuw aneershi nllurtarangi anumandari yutarittana.

⁶Itaru, shiysha tputsee mang' izuuru natstaksha. Tputs shiyaa itsinsaru chinaku, shiysha wanasiri napaksha. Anush Apaa, nuwaa mangi p'tseeksha mangoonamaama.

⁷Ashiri Apaa, mangeetsi tchinganda. Izuuru tachingeerush, mangi mburshinandarisha wayangandama, Apaa.

⁸Nuwaa waneerangush, mangi kapung mantsakina. Yusur shiyamun mangi tatkuri, mapiyri kis taapi, átana. Istanda, Apaa.

⁹Ashiri, yutaritshishireetsi mbizamamari izuuru kpitangcha, Apaa.

¹⁰Nuwaa mangeetsi mburish tsarun ndunar ksangandama. Sheerush, tuwizpurtangandama, shiyaa itsinsaru chinamaama.

¹¹Apaa, nuwaa iwanlltarinllpa. Kanish wanasirimshee nuwaa itutsinllpa, Apaa.

¹²Síru yutaritshishireetsi ichinguru tachingarangush, mangi kis taarangina. Ashiri na ashiritam mangeetsi yusur isichinda. Wizpurirpatish chinasheemi wanasir panangandama.

¹³Ashkachush, nuwsha tputsee yutaritshishpanee shiyaa itsinsaru chinamaam tayaspatachima. Ashkachuri, uwsha yusur shiyash itsinsartam tachitchitamtaya.

¹⁴Nda tputsee pachamaam izuuru watsta aturi, Apaa, nuwaa istangandama. Apaa, shiy nuwaa tapachindarangsha. Ashiri shiy nuwaa itsinsaru chinamaam istakush, nuwsha yaseesshpati, shiyaa; Apanll itsinsampancha, tputsee kamankuri táchima.

¹⁵Apaa, shiy nuwaa kuki mureem wayangandama. Sheerush, nuwsha shiyaa ungirtakuri, k'kipti shiyaa yasichima.

¹⁶Shiyaam chineetsi muchamaam pangipish wayapi tina. Itaru, anpa yutaritshishee yaramaam nda shiy kis napachsha.

¹⁷Tputsee yutaritshishimand mang' kapung mantsaku, anoo shiysha izuuru mangoo yaraksha. Tputsee yutaritshshimand izuuru mang' mantsaku shiysha Apaa, mangoo yaramaam nda watsta átsha. Uru yaraksha.

¹⁸Apaa, tputsireetsish shaana yaktarinish Siyonash shaniykusin, wanasir napaksha. Irusarinaa watandpunu yusur mbammash wanasir wayamaama istangcha.

¹⁹Wanasiri napkachush, tputsirish shiyaam wakaraatstam, opeejaatstam shiyaam muchkusin, shiy tputsireetsish chinachpasha. Yutaritshishirineetsi yarachsha.