SALMOS 50:2-9

²Toteco Dios ica iyejyejca petani huan taahuía ten Sion, nopa tepet campa ijcatoc itiopa cati senquisa cuajcualtzi.

³Toteco Dios hualas ica chicahualisti, huan iixpa hualas se hueyi tit cati quisosolojtihualas nochi cati quipantis. Tatomonilot huan tapetanilot quiyahualohua.

⁴Toteco Dios quinnotza nochi cati itztoque ipan ilhuicacti huan ipan taltipacti, para ma contachilica quenicatza quintajtolsencahuas imasehualhua. Quiijtohua:

⁵“Xiquinsentilica nomasehualhua cati moiyocacajtoque ten na. Quena, ma hualaca nochi inijuanti cati quichijtoque se camanali nohuaya, quema nechmacaque tacajcahualisti huan quiijtojque para nechtoquilisquíaj.”

⁶Nochi ilhuicacti tepohuilía para Toteco Dios itztoc xitahuac. Huan para yaya nopa juez cati tetajtolsencahuas.

⁷“Xijtacaquilica nochi annomasehualhua, xijcaquica nochi cati niquijtos. Nimechtelhuis miyacapa ica nochi tamanti cati anquichijtoque, pampa na niDios huan niamoTeco.

⁸Amo nimechajhuas pampa amo antechmacaj tacajcahualisti, yon pampa amo anquinmictíaj tapiyalme huan anquintatíaj noixpa, pampa quena, ya nopa anquichihuaj.

⁹Pero amo ya nopa cati nijnequi. Amo monequi techmacaca tacajcahualisti, quej becerros huan oquich chivojme cati hualahuij ten amopotrero.