Text copied!
CopyCompare
Dižaʼ chaweʼ kub len Salmo kaʼ - SALMOS - SALMOS 50

SALMOS 50:10-21

Help us?
Click on verse(s) to share them!
10Yógo'te bia yix̱e' ka' zej nakba' chia', na' yógo'te bia beždo' ka', bia zej zoaba' ḻo ya'ado' ka'.
11Yógo'te bia ka' zoa x̱ílgakba' yó'ogakba' ḻo na'a, na' ḻezka' yógo'te bia ka' zej zoaba' nbángakba'.
12Cha' tona' neda', bi yapa' ḻe'e bi da' gonnle chia' dan' yežlyó, na' yógo'te da' zej den ḻawlen zej naken chia'.
13¿Žon byenen gawa' x̱péḻa'gak bež ka', cha' ye'ja' žen chegak chibo byo ka'?”
14Le ko'o ḻaw Dios da' wká'n ẕenle Ḻe', na' le wneẕjw da' wchebe ḻáže'le ḻaw Dios ẕente.
15Ḻezka' ẕnne': “Bḻiž neda' ḻo ža katen' gak da' wžía yin' benách ka', na' yeslá' le', na' le' gapo' neda' ba la'ne.”
16Dios ži'e no benne' wen da' ẕinnj: “¿Žeklo' ẕchaḻjo' le' kan nak da' wnnakza' neda', na' ẕnnio' che x̱tiža'a dan' bénḻena' benách chia' ka'?
17Le' bi ẕḻe'elo' neda' chawe' kate' ẕḻoe'ela' le' da' bi nak chawe' da' žono', na' ẕzo' cheḻa'ale diža' chia'.
18Kate' ẕḻe'elo' to benne' wbán, na' žono' ḻe' tẕen, na' nako' toze ḻen benne' ka', benne' ẕbej yíchjgake' neda'.
19Žónteze žono' da' ẕia, na' ẕcháḻjtezo' da' wen ḻaže'.
20Ẕnnétezo' che lježkzo', na' žesbago'o ẕia x̱kwide' che x̱na'kzo'.
21Beno' da' ki, san neda' wzóa' žize. Goklo' naka' neda' to benne' ka nako' le', san tiḻkza' le', na' wḻoe'ela' le' ka nak da' beno'.

Read SALMOS 50SALMOS 50
Compare SALMOS 50:10-21SALMOS 50:10-21