SALMOS 49:5-8

⁵¿Para tlen monequi nimomajmatis quema hualas tlaohuijcayotl, huan quema nopa tlajtlacolchijca tlacame tlen nechcocolíaj hualase nechyahualoquij?

⁶Inijuanti motemachiyaj ipan inintomi, huan mohueyimatij pampa quipiyaj miyac tlamantli tlen pajpatiyo.

⁷Pero niyon se tlen inijuanti ax huelis momaquixtis tlen itlajtlacolhua, niyon ax huelis quimaquixtise se iniicni. Axaca huelis quitlaxtlahuis Toteco Dios para ma quimaquixtis.

⁸Pampa toyolis eltoc se tlamantli tlen miyac ipati. Ax onca niyon se tomi ipan nochi tlaltepactli tlen ica huelis moixtlahuas.