SALMOS 48:7-10

⁷o queja se ajacatl chicahuac tlen quinxolehua nopa huejhueyi barcos tlen hualahuij tlali Tarsis.

⁸Ipa tijcactoque quejatza TOTECO quimocuitlahuía ialtepe, huan ama tiquitztoque. Quena, TOTECO Tlen Quinyacana Ielhuicac Ejcahua Ma Tlatehuitij, quitlalijtoc para ialtepe Jerusalén ma huejcahuas para nochipa.

⁹Toteco Dios, quema tiitztoque ipan motiopa, tiquilnamiquij huan timoyolilhuíaj quejatza titechicnelía.

¹⁰Toteco, campa hueli tlacame mitzpaquilismacaj, pampa quicactoque quejatza mohueyitilis. Quicactoque hasta campa ontlami tlaltepactli. Huan quimatij para ica mohueyi chicahualis titetlajtolsencahua xitlahuac.