Salmos 47:5-8

⁵Na Apanll ichingaru kurakaam wayarangu, na mapiyshat uxinashimun kuxinkiya. Ashiriya na iyshat mangini kis shambatkuni tamburtakuni, tirucheeni.

⁶Apanllee shambatkuni yaseeyani. Kurakareetsini ungirtakuni yaseeyani.

⁷Apanlleem yaseesshish yandayaruni yaseeyani. Watam wamari tsapurunasshucheetsini kasiru kurak taakuwa. Mangiptis yaseengints.

⁸Apanll uxinashimand kuxinaru tputseetsini ztaru ksutariya. Ichingaroo tsapurunasee napkiya.