SALMOS 45:11-14

¹¹Nopa tlanahuatijquetl tlahuel mitzcualita, huan nelía paqui ica moyejyejca. Huajca monequi tijneltoquilis pampa ama ya moTeco.

¹²Hualase mitzpaxaloquij iichpocahua nopa tlanahuatijquetl tlen altepetl Tiro. Quena, catli más tominpixtoque ipan nopa altepetl hualase huan mitztlanemactiquij. Ya ni quichihuase pampa quinequise ximohuampoxchihua ininhuaya.”

¹³Nopa ichpoca monamictijquetl mocualtlalía ipan ichaj ica catli más yejyectzi. Yaya iichpoca se tlanahuatijquetl huan ama mocuilis ne tlanahuatijquetl catli hueyi. Onpano yejyectzi nopa ichpocatl ica iyoyo catli nelcuajcualtzi catli tlajtzontli ica oro.

¹⁴Quena, yejyectzi quiyoyontijtoque ica iyoyo tlajtzontli huan ama quihuicase iixpa nopa tlanahuatijquetl catli ihuaya monamictis. Itepotzco yase iichpocapoyohua catli quinnotztoc.