Salmos 42:3-10

³shiyangaz kaschiritam psaantam tanukuri taakina. Amb ashkuri sureemariti taakina. Kundararshiti nuwaa, ¿Apanllirish yuwshta? átangat ashkanaya.

⁴Síru shiyash pangish tputspata kis pshtutarini, anoo chinachintar ashkuri, kapung mangi mantsakina. Watam na ndusha ashkinawa. Yuwataati nuwma tputsee yamazayaruri, shiyash pangish kuseeruri, shambatkuni, washunand mangini kis ungirtakuni, yasiyastar ashtariniya. Yusur tamayareezi ashchi aturi, kapung mangi mantsakuri, tanutantar ashkina. Ashiritaati,

⁵¿Mayaama nuw sambaytachi? ¿Mayaama nuw mangi mantsachee? Nuw Apanllimunari mangi tatkina. Anootsimari ungirtakuri taachima. An watacha nuw Apanlliri, tapachindampani.

⁶Nuw kapungcha sambaytamaam zandki. Ashirucha, shiyaatsimari kapung chinakuri taakina. Araptaa kung Ortagamanda, mach Hermonamanda, Mispamandtamta uru mangishi shiyaatsimari chinakuri taakina.

⁷Íwar machimand kung wazawash pantsaku, zaw shitaru, arap zunganeetar ashtariya. Nuwamun kungpaz ashiru zaw, zaw shitarpaz ashku mangi mantsakuri taakina.

⁸Ashtaa Apaa, shiysha nuwaa nda kasaksha. Kaschiritam nuwaa chinakush istaksha. Psaantam nuw yasiyastar ashkina. Uru shiyapa Apaa, tsiyatkina, watam shiysha uru nuwapat taakshawa.

⁹Apaa, Shiy tapachindampantishcha, atina. ¿Mayaamsha shiy nuwaa mapiyksha? ¿Mayaamaja mangi mantsakuri taachi? ¿Mayaama kundarari nuwaa kiyung yachaku taak?

¹⁰Nuwaa kiyung yachaksin, napuritamti ichingaru ksukiya. Urutari nuwaa tamundaksin, ¿Yapshata shiy Apanllirish? átangat ashkanaya. Atitaateesinaya,