7Chaymi nishcä: «Caychömi caycä. Laychöpis nogapämi isquirbiraycan.
8Tayta Dios, gam munashayquita rurarmi cushicö. Layniquicunatapis llapantami yarparaycä.»
9Acrashayqui runacunapa ñaupanchömi alli cashayquita willacushcä. Manami amucurcushcächu. Chaytaga gam musyaycanquimi.
10Gam alli cashayquitaga manami upällacushcächu. Llapanta cumlej cashayquita salbacoj cashayquitaga willacushcämi. Acrashayqui runacunatami willapashcä cuyacoj cashayquita, rasun cajta rurashayquita.
11Tayta Dios, cuyapaycamay ari; ama ñïgamaychoga. Aunishayquita cumlej cashpayqui imaypis chapaycamay.