Text copied!
CopyCompare
Tayta Diosninchi Isquirbichishan - Salmos - Salmos 40

Salmos 40:5-15

Help us?
Click on verse(s) to share them!
5Gamga Tayta Dios, aypallatami milagrucunata rurashcanqui. Nogacunataga imay örapis yarparaycämanquimi. Chaycunata willacushpämi pï-maytapis willapayta munä. Ichanga willapaytapis manami ushämanchu. Manami imapis tincunchu gammanga tayta.
6Gamga manami cushicunquichu uywacunata pishtapäshushallayquipita, ni chaqui micuycunata garashushallayquipitapis. Aychata rupachipäshushallayquipitaga manami perdunanquichu. Chaycunapa ruquenga gamta wiyacunallätami munanqui.
7Chaymi nishcä: «Caychömi caycä. Laychöpis nogapämi isquirbiraycan.
8Tayta Dios, gam munashayquita rurarmi cushicö. Layniquicunatapis llapantami yarparaycä.»
9Acrashayqui runacunapa ñaupanchömi alli cashayquita willacushcä. Manami amucurcushcächu. Chaytaga gam musyaycanquimi.
10Gam alli cashayquitaga manami upällacushcächu. Llapanta cumlej cashayquita salbacoj cashayquitaga willacushcämi. Acrashayqui runacunatami willapashcä cuyacoj cashayquita, rasun cajta rurashayquita.
11Tayta Dios, cuyapaycamay ari; ama ñïgamaychoga. Aunishayquita cumlej cashpayqui imaypis chapaycamay.
12Yupaytapis mana atipaypämi mana allicunaga chayamasha. Quiquë mana allita rurashäcunallami chayamasha. Chaycunapita imanöpa llojshiytapis manami camäpacöchu. Balurnëpis manami cannachu. Juchäcunaga ajchäpitapis mas aypallami.
13Taytallau tayta, salbaycamay ari. Tayta Dios, canan öra shaycamuy yanapämänayquipaj.
14Wañuchimayta munajcunaga pengay-tucushpan umpuycachächun. Mana allita rurayta munamajcunaga pengay-tucusha gueshpichun.
15Asipämajcunaga pengay-tucusha aywacuchun.

Read Salmos 40Salmos 40
Compare Salmos 40:5-15Salmos 40:5-15