SALMOS 37:37-40

³⁷Pero xijtlachili quen monejnemiltía se masehuali catli itztoc xitlahuac iixpa TOTECO, yaya catli amo aqui hueli quitelhuis. Nopa masehuali quipiyas tlasejseltili huan itztos ica yejyectzi para nochipa.

³⁸Pero TOTECO ica se huelta quintlamitzontlamiltis inijuanti catli amo quitlepanitaj. Huan amo quicajtehuase niyon se iniixhui.

³⁹TOTECO quinmaquixtía catli itztoque xitlahuaque iixpa. Quinfuerzajmaca quema huala tlaohuijcayotl.

⁴⁰TOTECO quinpalehuía huan quinmanahuía catli cuajcualme. Quinmanahuía ininmaco masehualme catli quicualancaitaj huan quinmaquixtía, pampa inijuanti mochixtoque ipan ya.