SALMOS 37:28-32

²⁸Pampa TOTECO quipactía cati xitahuac huan amo quema quinhuejcamajcahuas iaxcahua cati itztoque temachme. ¡Amo! Techmocuitahuis para nochipa. Pero quintzontamiltis nochi masehualme cati amo cuajcualme, huan amo quincahuilis yon se iniixhui.

²⁹Masehualme cati itztoque xitahuaque iixpa TOTECO moaxcatise nopa tali cati yaya quinmacas, huan nepa itztose para nochipa.

³⁰Se masehuali cati itztoc cuali iixpa Toteco camanalti ica talnamiquilisti huan quiijtohua cati xitahuac.

³¹Quipiya Icamanal Toteco Dios ipan iyolo, huan yeca amo huetzis ipan tajtacoli.

³²Masehualme cati quicualancaitaj Toteco Dios quintachilíaj masehualme cati monejnemiltíaj xitahuac. Quitemohuaj quenicatza huelis quintelhuise para ma quinmictica.