Salmos 36:1-12

¹Bab-Dummad-e-mai-David we-namaked narmaksad. Namakmalad-e-iduedga soglenaid. Dule-Bab-Dummadgi-isgudiid weyob soged: “Isgudiid an yeer-itoged.” Bab-Dummad-dobe-nanaodeeye gwen binsasulid.

²Dule-isgana e-nug-odummolegoye binsaed, e-isgued akudaklegoye binsaed. Bab-Dummad ega akar-sogosurye binsaed.

³E-sunmaked, galagwensuli sunmaked, gakansaale sunmaked. Dule-binsaedsulidga naded, ibmar-nued-imaked ieded.

⁴Megidele, isgued-imakedginbi binsamegisdaed. Igar-nued-imakedgi gwen binsadasulid. Isguedgi bangugwelodeeye gwen binsadasulid.

⁵Bab-Jehová, be-sabguedi bela nibnegse warmaked, be-innikidaedi, bela mogir-billise warmaked.

⁶Be-igar-innikimaladi, yala-dummagan-gandik-bukwadyob gued. Muu-billi-wilasaila-naibayobi, be-igar-nabomalad mamaid. Bab-Jehová, bela be dulemar-akwemaid, bela be ibdurgan-bukwadi, akwemaibalid.

⁷Bab-Dummad, ibibayobi bedi bela-belad wile dule-dakmai. Gannir e-mimmigan e-sakan-urba-odukueyob, dulemar begi bendakleged amied.

⁸Be-neggi ega be mas-obineba-ukmaidgi, nue immelebukwad, be-dii-nued-ariomaidgi nue-immelebukwa be imaked.

⁹Ar beginbi, san-burba-geg-bergued danikid. Anmar unnila beginbi, san-burba-dula-gued amied.

¹⁰Bab-Dummad, dule-beba-ibmar-imakdimaladi be wiledaksun. Dule-gwage-nuegan, be-igar-innikigwadba be bendaksun.

¹¹Dule-san-dummarba-imakdimaladi, melle an-ogalakuega be sao. Dule-isgudimaladse, melle galakuega be an-imako.

¹²Nue be dakmar, dule-isgudimaladi, igarga gudasulid. Galakuddamalad, gege bar igarga gudamalad.