SALMOS 35:20-28

²⁰Inijuanti amo quitemohuaj tasehuilisti. San moilhuíaj quenicatza huelis quincajcayahuase masehualme cati itztoque ica cuajcualtzi ipan ni tali.

²¹Nechtaijilhuíaj huan quiijtohuaj: “¡Xiquitaca tijnelitztoque cati fiero quichijqui!”

²²TOTECO, ta tiquitztoc cati quichihuaj. Amo san xiitzto huan amo teno tijchihuas. ¡Amo techtahuelcahua!

²³Ximotanana huan techchihuili cati xitahuac huan melahuac. Quena, TOTECO, xiisihui huan techmanahuiqui.

²⁴TinoTeco Dios, ta cati ipa titetajtolsencahua xitahuac, xitenextili para amo teno nijchijtoc. Amo xiquincahuili nocualancaitacahua ma noca huetzcaca.

²⁵Ma amo nopanti cati inijuanti quinequij. Ma amo quiijtoca nechixpolojtoque. Amo xiquincahuili ma moilhuica para inijuanti nechtantoque.

²⁶Xijchihua para inijuanti cati noca paquij por notequipachol ma mocuapoloca huan ma ayecmo quimatica taya quichihuase. Quena, xijcahua para inijuanti cati moilhuíaj para más huejhueyi que na ma mopinahualtica huan ayecmo aqui ma quintepanita.

²⁷Pero ma huicaca ica paquilisti inijuanti cati nechpalehuíaj. Ma paquica inijuanti cati quiitaj para nijchihua cati xitahuac. Huan nochipa ma quiijtoca: “Nelía hueyi TOTECO cati quipactía quipalehuis David, pampa yaya quitequipanohua.”

²⁸Quena, xijtacaquili cati nimitztajtanía, huan teipa nitepohuilis para nelía xitahuac cati tijchihua. Quena, semilhuit nimitzpaquilismacas.