SALMOS 34:5-19

⁵Benne' ka' bx̱en ḻáže'gake' Ḻe' bḻé'egekle' yeḻa' ẕen chie', na' bi bedoé'egekle'.

⁶Neda', benne' yache', bḻiža', na' benle X̱anžo, Dios chian', na' beslé' neda' ḻo yógo'te da' wẕáka'ḻi'a.

⁷Wbás ka' che ya'abá che X̱anžon' zej zoe' kwit benne' ka' ẕžébegake' Ḻe', na' žape chí'igake' ḻégake'.

⁸Le wia nga, na' ḻé'elele nak chawe' X̱anžo Dios. Yeḻa' ba nez ẕen naken che bennen' žx̱en ḻaže'e Ḻe'.

⁹Le žebe X̱anžo Dios, ḻe'e, nakle benne' chie' ka', dan' bi be žiážjegekle benne' ka' ẕžébegake' Ḻe'.

¹⁰Bež yíx̱e'do' ka' žiážjegeklba', na' ẕdóngakba', san benne' ka' žx̱en ḻáže'gake' X̱anžo Dios bi be da' chawe' yážjegekle'.

¹¹Le da, x̱kwide' ka', na' le yenle chia'. Wsedla' ḻe'e nich žébele X̱anžo Dios.

¹²¿Noẕ benne' ládjwle ḻe'e žénele' soakze' nbane', bennen' žénele' soe' yiz zan nich ḻe'ele' da' chawe'?

¹³Bwíakze da' ẕchaḻjo' nich bi nnio' da' ẕinnj, na' nich bi wchaḻjo' da' wen laže'.

¹⁴Bzoa cheḻa'ale da' bi nak chawe' da' ẕchaḻjo', na' ben da' nak chawe'. Ben byene so' ḻo yeḻa' ẕga'n chawe', na' ben ka nak chen.

¹⁵Ẕwíakze X̱anžo Dios benne' ka' zej nake' chawe', na' ẕze nage' da' ẕnnábgekle' Ḻe'.

¹⁶Ẕža'a X̱anžo Dios benne' wen da' ẕinnj ka', na' bi soa no benne' chejsá' ḻaže'e ḻégake'.

¹⁷Benne' chawe' ka' žḻížgake' X̱anžo Dios, na' Ḻe' ženle' chégake', na' žeslé' ḻégake' ḻo yógo'te da' ẕzáka'gake'.

¹⁸Gawze zoa X̱anžo Dios gan zej nnita' benne' ka', benne' žak nyache' ḻáže'gake', na' žeslé' ḻégake'.

¹⁹Da' zanḻe'e da' ẕzaka' benne' chawe', san žeslá X̱anžo Dios ḻe' ḻo yógo'te da' ka'.