Text copied!
CopyCompare
Xela wezria cube nen salmo caʼ - Salmos - Salmos 34

Salmos 34:4-17

Help us?
Click on verse(s) to share them!
4Bláwizra' Xránadxu Dios, na' Le̱' benne̱' chia', ne bselé̱' neda' lu xúgute̱ da buluchebe na neda'.
5Benne' ca' gulebeza lazre̱' Le̱' belelé'ene̱' da xabáa chee̱', ne quebe belexedué'ene̱'.
6Neda', benne' xache', bláwizra', na' ben Xránadxu Dios chia', ne bselé̱' neda' lu xúgute̱ da dxezaca zi'a.
7Gubáz chee̱ Xránadxu zue̱' cuita benne' ca' dxelezrebe̱' Le̱', na' dxucu'uje̱' benne' ca'.
8Le guxúe xque, na' lé'ele naca xrlátaje Xránadxu Dios. Ba neza zrente̱ naca na chee̱ bénnea' dxuxrén lazre̱' Le̱'.
9Le zrebe Xránadxu Dios, le'e, nácale benne' chee̱ Lé̱queze̱', lawe' da quee bi dxelexazrje benne' ca' dxelezrebe̱' Le̱'.
10Be̱zre xíxre'du ca' dxelexázrjeba', ne dxeledunba'. Benne' ca' dxelebeza lazre̱' Xránadxu Dios quebe bi da chawe' xelexázrjene̱'.
11Le da, bidau', ne le xen chia'. Gusé̱deda' le'e chee̱ zrébele Xránadxu Dios.
12¿Nu benne' ládujla le'e dxaca lazre̱' xegá'ane̱' lu xel-la' nabán, bénnea' dxaca lazre̱' sue̱' zane' iza chee̱ lé'ene̱' da chawe'?
13Bxue xanne' ca dxuchálaju' chee̱ quebe nneu' da cale̱la, ne chee̱ quebe guchálaju' da we̱n lazre'.
14Bsan da cale̱la da dxunu', na' be̱n da xrlátaje. Be̱n ba xuzre gapu' xel-la' dxebeza zri lazre', ne be̱n ca naca chee̱ na.
15Dxuxúe Xránadxu Dios benne' ca' zaj naque̱' xrlátaje, ne dxuzé̱ nague̱' da dxululáwizre̱' Le̱'.
16Dxezrá'a Xránadxu Dios benne' ca' dxelune̱' da cale̱la, chee̱ quebe sua nu benne' chajsá lazre̱' benne' we̱n da cale̱la ca'.
17Benne' xrlátaje ca' dxululáwizre̱' Xránadxu Dios, na' Le̱' dxenne̱' chee̱', ne dxuselé̱' benne' ca' lu xúgute̱ da dxelezaca zi'e̱.

Read Salmos 34Salmos 34
Compare Salmos 34:4-17Salmos 34:4-17