SALMOS 34:15-20

¹⁵TOTECO quintachilía cati nemij xitahuac iixpa, huan san quichiya para quinmacas cati quitajtanise.

¹⁶Pero TOTECO sencualantoc ica inijuanti cati quichihuaj cati fiero. Quintzontamiltis para ayecmo aqui quinelnamiquis ipan ni taltipacti.

¹⁷Quema masehualme cati itztoque xitahuaque iixpa TOTECO quitzajtzilíaj, yaya quintacaquilía. Huan quinmanahuía ten nochi inincuesolhua.

¹⁸TOTECO itztoc ininechca masehualme cati motequipachohuaj. Huan quinmaquixtía cati motequipachohuaj ica inintajtacolhua.

¹⁹Se masehuali cati itztoc xitahuac iixpa TOTECO quipiya miyac tequipacholi, pero TOTECO quimanahuía ica nochi cati ipanti.

²⁰Pampa TOTECO quimocuitahuía para amo postequis yon se iomiyo.