SALMOS 34:12-16

¹²¿Tijnequi tiitztos ica cuajcualtzi? ¿Tijnequi tihuejcahuas ipan ni taltipacti, huan tiquitas cati cuali?

¹³Monequi xijmocuitahuis monenepil para amo tiquinmahuispolos sequinoc ica istacatili.

¹⁴Ximoiyocatali ica cati amo cuali, huan xijchihua san cati xitahuac. Xijchihuaca cati anhuelij para ma onca tasehuilisti inihuaya nochi masehualme. Quena, ya nopa xijtemoca ica nochi amoyolo.

¹⁵TOTECO quintachilía cati nemij xitahuac iixpa, huan san quichiya para quinmacas cati quitajtanise.

¹⁶Pero TOTECO sencualantoc ica inijuanti cati quichihuaj cati fiero. Quintzontamiltis para ayecmo aqui quinelnamiquis ipan ni taltipacti.