SALMOS 33:6-17

⁶X̱anžo Dios bene' ya'abá ḻen x̱tiže'e, na' yógo'te belj ka' da' zej nla' ẕan ya'abá bene' ḻen be' da' ẕžojen žoe'e.

⁷Ḻe' ẕtobe' nisdo', na' yeyonen' ka to ya'a nis. Ẕga'n chawe' nisen' gže' gan bkweze' latje chen.

⁸Le žebe X̱anžo Dios, yógo'tele zoale yežlyó nga. Le žebe ḻawe' Ḻe', yógo'tele ḻe'e zoale ḻo yežlyó,

⁹dan' bchaḻjze', na' gok yežlyón'. Wnnakze', na' wzoakzen.

¹⁰X̱anžo Dios žone' ga žeyák dáche'ze diža' da' žongak benne' zi'to' ka', na' žone' ga žak dáche'ze da' žénegekle' góngake',

¹¹san x̱tiža' X̱anžo Dios sóatezen. Da' ẕza' ḻaže'e ẕžinkzen gan zej nnita' yógo'te kwe' benách ka'.

¹²Ba nez ẕen naken chegak benne' yežen' X̱anžon' nake' Dios chégake'. Wžé Dios benne' yežen' nich gákgake' benne' chekze'.

¹³Gan zoe' ya'abá chie' bwia X̱anžo Dios, na' bḻe'ele' yógo'te kwe' benách ka'.

¹⁴Gan zoe' latje la'y chie' bwie', na' bḻe'ele' yógo'te benne' ka' nníta'gake' yežlyó.

¹⁵Ḻe' bene' yichj ḻáẕdo'gak yógo'te benách ka', na' ẕḻe'ele' yógo'te da' žóngake'.

¹⁶Bi yelá no benne' wnná bia' ni'a che benne' zante chie', benne' ka' žjake' ḻo wdiḻe, na' bi yelá no benne' waḻe ni'a che yeḻa' waḻe chie'.

¹⁷Bi zoa no benne' yelé' ni'a che bžina' chie' ka', na' bi yelá no benne' ni'a che yeḻa' waḻe ẕen chie'.