Salmos 32:3-8

³Nuw ndatuma mangeetsi yarchuri, kis taamaam pinasarangina. Putam putam ashiranguri mangi mantsaranguri, nuw wizpuriri ndunareerangiya.

⁴Watam shiysha Apaa, nuwaa waneerangshawa. Psaantam, kaschiritam kis taamaam pinasarangina. Chap zarish mawirtaru ashiru, taarashi taarangina.

⁵Sheeruri, shiyaa Apaa, yutaritshishireetsi ichinguru kamanirangina. Nda minamtiyam kamapshirangina. Ashiranguri, shiysha Apaa, nuwaa mangeetsi tachingarangsha. Izuuru mbizamamari yutaritshishireetsi kapeetarangsha.

⁶Ashiri na, Apaa, shiyshacha iyaa tputsirish yutari tushiykchitaa, iyshat uru shiyaa mashkiniya. Ashkachuni yutaritshish taaktaa, itaru iyaa nda kasichiya.

⁷Apaa, shiyashumari kamungamaam waritakina. Taarasheetstamti shiy nuwaa kámanaksha. Ashirucha Apaa, mangi kis shambatkuri kapung yaseekina. Watam shiy yutaritshishireetsi tachingarangshawa.

⁸Mishat, Apaa, shiysha nuwaa ateezish. Nuw shiyaa uru napkina. Mangeetsish p'tseekina, nuwash itsinsaru tachitamaama.