SALMOS 2:9-12

⁹Xiquinnahuati chicahuac quej se tanahuatijquet cati tanahuatía ica teposti imaco para ica tetatzacuiltis. Quena, xiquinomiyopojpostequi mosisinijca masehualme quej elisquíaj soqui chachapalme.” (Quej nopa TOTECO quitequimacac itanahuatijca ma quichihua.)

¹⁰Yeca, antanahuatiani huan antequichihuani ipan taltipacti, ximotalnamictica huan ximomocuitahuica ica cati anquichihuaj. Ama xijtacaquilica cati nimechilhuía quema noja anhuelij.

¹¹Xijtequipanoca TOTECO pero nojquiya xiquimacasica huan xijtepanitaca pampa anmomacaj cuenta ajquiya ya. Xijhueyichihuaca TOTECO ica paquilisti huan xiquimacasica anquichihuase cati amo quinamiqui.

¹²Ximotancuaquetzaca iixpa Icone TOTECO ica majmajti huan xijtzoponica. Sinta amo, antalochmiquise pampa nimantzi cualani. Pero nelía paquij masehualme cati motemachíaj ipan ya para ma quinpalehui.