Salmos 2:3-11

³Kapung tsiyatkusin, Apanll kuweetsini kateenpapaz ashiru kamurikpaz ashkiya. Na watsta. Iyaanaatsi kateenaa ichipeeruni kapeeteeni, atanaya.

⁴Itaru, Apanllsha waamari kasiru kanindash taaku an, mazinakchu kurakaa kuk stakiya.

⁵Sheeru, kizpur tsiyantakachu, ¿Mayaamsa nuwaa átssa? átu, kurakshitisin punikanaya.

⁶Watam Apanll tsiyatarangu, Nuwaana ipari kurakaa uwamari kasiru taamaam ipuseena. Machi Siyonamand tputsee ztaru ksutku taachiya, Apanll táranguwa.

⁷Apanlltam ipusamarini Apanlleetstam kuk kamanku, tárangiya: Apari nuwapat tsiyatku tárangu; Nuw shiyaa ipartana. Nat in shiyaam taarashish kaneesich panayana.

⁸Shiyshat nuwaa mashangandama. Tsapurunasshuchee nuwamari kasiruri taamaam wayangandama, tángcha. Tákchush, nuwshat shiyamari tsapurunasshuchee ichinguru kasimaam wayachinllpa.

⁹Shiysha tsapurunasshuchee kurak wizpurirpatish izuuru tpachingachsha. Tputs muritsaa yasinpat pátangtaru shiysha, kundarareetsish ambtam ashtachsha. Apari nuwaa tárangiya: Apanll ipusamarini waparee kuk kamanku, tárangiya.

¹⁰Ashiri siysa tsapurunasshuchis kurakis, mangiptis taangtsa.

¹¹Apanllee chinayarus, mangis kis ungirtangtsa. Apanllee waneesh puniyarus, Nuw shiyaa kurakartana, tángtsa.