SALMOS 2:2-8

²Tlanahuatiani huan tlayacanca tequihuejme ipan tlaltepactli mosisinise, huan mocamahuise tlachque huelis quichihuilise TOTECO huan nopa Tlanahuatijquetl Tlen Yajaya Quitlapejpenijtoc.

³Tlahuelchihuase huan moijilhuise: “Ma timoquixtilica nopa tepos cadena tlen ica techilpitoc. Ma timomanahuica para ayoc huelis technahuatis TOTECO.”

⁴Pero Toteco tlen itztoc nepa elhuicac huan quinahuatía nochi, san quinhuetzquilis. Quena, san ininca paquis, pampa iixpa ya ax tleno ipati tlen inijuanti quipilsencahuase.

⁵Teipa quema quiyolaxitise TOTECO, melahuac quinixcoilhuis. Huan ica miyac cualantli quinmajmatis huan quiijtos:

⁶“Ya nijtlalijtoc notlanahuatijca para tlanahuatis ipan altepetl Jerusalén. Yajaya mosehuis ipan isiyaj yejyectzi nepa ipan notepe tlatzejtzeloltic tlen itoca Sion.”

⁷Huan tlen TOTECO quitlapejpenijtoc para itlanahuatijca quiijtos: Nitlayolmelahuas tlen TOTECO nechilhuijtoc huan ya ni tlen quiijto: “Ta tiTlanahuatijquetl, tiNocone. Ama nitlayolmelahua tlamiyacapa para na nimoTata.

⁸Xinechtlajtlani huan nimitzmacas nochi tlaltini huan inintlacajhua para moaxcahua. Quena, tijselis hasta nochi tlaltepactli para moaxca.