SALMOS 27:10-14

¹⁰Masque notata huan nonana nechtahuelcahuase, TOTECO, ta nochipa techmocuitahuis.

¹¹TOTECO, technextili cati tijnequi ma nijchihua. Techyacana san ipan nopa ojti cati cuali campa tijnequi ma ninejnemi, pampa nocualancaitacahua nechyahualojtoque.

¹²Amo techtemactili inimaco quej inijuanti quinequij, pampa ica na motanantoque masehualme cati istacatij huan san quimatij cati más fiero nechchihuilise.

¹³Pero na cuali nijmati TOTECO nechmanahuis, huan sempa niquitas quenicatza cuali iyolo ica na ipan ni taltipacti campa niitztoc.

¹⁴Ximochiya ipan TOTECO. Ximosemaca huan ximoyolchicahua huan amo ximomajmati. Quena, ximotemachi ipan TOTECO.