SALMOS 25:5-16

⁵Techyacana ipan moojhui catli xitlahuac huan techmachti, pampa ta tinoTeco Dios huan tinotemaquixtijca. Mopan ta nimotemachía ipan tlen hueli hora.

⁶TOTECO, xiquelnamiqui moteicnelilis catli tijpixtoc para nochipa, catli hasta tlen huejcajya titenextilijtoc, huan yeca techtlasojtla.

⁷Amo xiquelnamiqui notlajtlacolhua catli nijchijqui quema nitelpocatixtoya. Xiquelcahua quema nimotlepanitayaya moixpa. TOTECO, techelnamiqui ica motlaicnelilis pampa hueyi moyolo nohuaya.

⁸TOTECO, ta nelía ticuali huan tixitlahuac. Yeca tiquinnextilía tlajtlacolchihuani nopa cuali ojtli catli ipan ma nejnemise.

⁹Tiquinyacana catli moicnonequij ipan nopa ojtli catli más xitlahuac. Quena, tiquinmachtía inijuanti catli quitemohuaj tlaque mopaquilis.

¹⁰Quema se masehuali quitoquilía motlanahuatil, TOTECO, nochi ojtli catli ipan tijhuica quinextilía motlaicnelilis, huan quinextilía para ta tiitztoc tixitlahuac.

¹¹¡TOTECO! Techtlapojpolhui notlajtlacol masque nelía hueyi. Techtlapojpolhui pampa quej nopa tiquijtojtoc tijchihuas.

¹²TOTECO, ica masehualme catli quiimacasij mitzixpanose, tiquinnextilis nopa cuali ojtli catli tijtlapejpenijtoc para inijuanti.

¹³Tiquintiochihuas miyac, huan ininconehua quiselise nopa tlali catli tiquinmacas.

¹⁴TOTECO tiquinpohuilía catli eltoc ipan moyolo inijuanti catli mitztlepanitaj huan quiimacasij mitzixpanose. Quena, tiquinnextilía nochi catli ininhuaya timocajtoc masehualme.

¹⁵Nochipa nimitztemohua TOTECO, huan nijchiya para techpalehuiqui, pampa san ta tihuelis techmanahuis tlen ni tlaquetztli.

¹⁶Techtlachili, TOTECO, huan xijpiya hueyi moyolo noca na, pampa niitztoc noseli huan nimoyoltequipachohua.