SALMOS 25:3-6

³Amo quema mopinahualtijtoc se catli ipan ta motemachijtoc. Ma mopinahuase inijuanti catli nimantzi quinequij mitzixpanose.

⁴TOTECO, technextili moojhui. Quena, technextili nopa pilojtzi campa tijnequi ma ninejnemi.

⁵Techyacana ipan moojhui catli xitlahuac huan techmachti, pampa ta tinoTeco Dios huan tinotemaquixtijca. Mopan ta nimotemachía ipan tlen hueli hora.

⁶TOTECO, xiquelnamiqui moteicnelilis catli tijpixtoc para nochipa, catli hasta tlen huejcajya titenextilijtoc, huan yeca techtlasojtla.