Salmos 22:8-24

⁸¿Tamasha in Apanllimuntaa mang' tatku, Apanll uwaa nda tapachindaka? Apanll uwaa chinakinaariya, taarashee tapachindachinaparee, atanaya nuwaatsi.

⁹Itaru, shiysha Apaa, nuwaa aneershi nllurtamaam wayarangsha. Nllurtaranguri, aneereemi ksutamaam wayarangsha.

¹⁰Ndatumastaa nllurtachuri, shiy uru nuwaa ksutarangsha. Urutari nuw shiyaa aparimuna.

¹¹Ashiri Apaa, shiy nuwaa ksarishpa. Kapung kiyung kachiykuri tsipamaam waritakina. ¿Chakaja nuwaa tapachindachinda? aturi, min tputs nuwaa tapachindampan wanindaja.

¹²Kundarari nuwaa turipingaranaya. Basanshuch wakar upapchir watseenur tamapari ashirusin, nuwaa pachamaam zandkanaya.

¹³Tumuz manginshuch kázamish tamaparee ashirusin, kuksha kapung xipungayarusin, nuwangaz tsipusamamari zandkanaya.

¹⁴Nuw kung tamapari ashiruri zaw ashkachuri, wizpuriri ndunariritara ashkina. Ichinguru napuri itaximbarangiya. Mangi kungusakpaz ashiru zaw ashkiya.

¹⁵Sachisimun kuki mazach ashiru puzaku neepuritamti ptsutkiya. Shiy nuwaa wazawash tsipamaama wayarangsha.

¹⁶Kundarari shaniyeersin, tumuz chinuz watseenur tamapari ashirusin nuwaa turipingaranaya. Nuwaa kuweetsi, k'tseetstamti tshutaranganaya.

¹⁷Ichingaru napuritaati wasuree táchakiya. Kundarari nuwaa natsaksin, napatara, napatara ashkanaya.

¹⁸Nuwaatssha ktuniri, ¿Chakaja yach? atusin, waanpata michitaranganaya. Sheersin, waanpatachtisin ashpatam ashpatam sheersin yaranganiya.

¹⁹Itaru Apaa, shiy nuwaa tuwizpurtaksha. Ashiri nuwaa ksarishpa. Nuwaa mikeerush istanda, Apaa.

²⁰Tputs pcharundama. Shiyshat nuwaa tsipani tapachindangandama. Nuwaa ksarishpa

²¹Kundarari nuwaa nda pachamaam tapachindangandama. Kundarari tumuz tamapari ashirusin, nuwaa zamaam zandkana. Wakar upapchir tamapari ashirusin, nuwaa witspa pachamaam zandkana. ¡Istanda Apaa! Shiysha Apaa, nuwaa kuki mazinarangsha.

²²Ashiri shiyachich tputs shaniykatssin anush, nuwsha, Zuwanllchee, wanip Apanll nuwaa istaranga, Apanll kizpurcha, táchima.

²³Ashiri siysa Apanllchichis; Apaa, shiy kizpurtishcha, tángtsa. Ichingarus Israelchichis, Apanlleetsimari ungirtangtsa. Shiyaa ksumish chinakaniya. Shiy kizpurtishcha, tángtsa.

²⁴Tputs kiyung kachiykana anoo Apanll nda niyrkiya. Nda wchumari napkiya, nda waanaatsi pishukiya. Tputs Apanllee; Istanda, tákchu, Apanllshat uru mazinakiya.