SALMOS 22:24-26

²⁴Pampa amo techelcajtoc quema titaijyohuíaj, yon amo techhuejcamajcajtoc. Amo cana techcuanecatatilía. ¡Amo! Ta techtacaquilía quema timitztajtaníaj techpalehuiqui.

²⁵Huajca, TOTECO, ipan nopa hueyi tasentilisti nimitzpaquilismacas iniixpa nochi momasehualhua, pampa ta titemachti. Iniixpa cati mitztepanitaj huan quiimacasij mitzixpanose, na nijchihuas cati nimitztencahuilijtoc para nijchihuas.

²⁶Huajca nochi cati teicnetzitzi tacuase huan ixhuise. Nochi cati quitemohuaj TOTECO quipantise huan quipaquilismacase. Quena, paquise para nochipa.