SALMOS 19:6-8

⁶Tonati quisa ilhuicacti inacasta huan quimaca huelta hasta ne seyoc inacasta. Amo aqui huelis motatis para amo quitonalmictis.

⁷Ileyes TOTECO eltoc senquisa cuali, huan temaca yancuic nemilisti. Huelis timotemachise ipan icamanal, pampa ya nopa quichihua ma talnamiqui se masehuali cati moechcapanohua.

⁸Itanahuatilhua TOTECO eltoc melahuac huan xitahuac. Quinmaca paquilisti masehualme ipan iniyolo. Quena, sesen tamanti cati TOTECO techilhuijtoc ma tijchihuaca eltoc quej se taahuili cati chicahuac. Quitaahuilía toojhui para tiquitase.