Salmos 19:1-7

¹Kanind iyaam Apanllee wizpur tuyamandakiya. Zari, tsuptam, tsangachtam iyaa; tsiyatakpaz ashku; Apanllimarita kizpurcha, atanaya.

²Apanll zaree kanindush wayarangu, uru putam taraseeta, putam taraseeta ashimaam kamachtarangiya. Tapeekchu anush, tsupeetstam, tsangacheetstam wayarangiya.

³Tsup nduntaati tsiyatku, zartam nduntaati tsiyatku, tputssha nduntaa kukoo mazinaksin, ashtaa,

⁴Yuwamand Apanll kanindaa tinarangu, anumand tputs ztaru Apanllee yasakanaya. Waamari kasiriya, atanaya.

⁵Apanll zaree kanindush wayarangu, zarsha putam shitungata, putam shitungata ashku, itsinsaru naakiya. Kanungas kizaa yamapi átu, kizapiri itsinsaru naataru, zarsha ambtampaz ashiru shitungachu, itsinsaru naakiya. Mishat, zar, tputs mang' kis iriptaru ashiritam nda nizimaam yasariya.

⁶Zari puturita shitungeeru, itsinsaru naaku, yap pshtuku amb izuuru pshtukiya. Ichingaroom tputs zarish ksaneekanaya. Apanll taarashee kaneesich tputseem panapi átu, waanaatsee kuk iyaam panarangiya.

⁷Apanlli kuk kizpurcha wanasiri. Apanll nda minamtiyam yutarit tsiyatarangiya. Ichinguru tputs Apanllee kuk mangoonamaam taariya. Tputs mang' nduntaa, itaru Apanllee kuk mangoonku, yasampaz ashiru wanasiri chinakiya.