Salmos 18:44-49

⁴⁴Gate belenne̱' chia', na' buluzúe̱' xrtizra'. Benne' zaj zra' xe̱zr la xu ca' belune̱' ca gunná be'eda'.

⁴⁵Benne' zitu' ca' gulate ni'a ne̱'e̱, na' beledxúaje̱' dxelezrízie̱' lu xe̱zre zrentau' chee̱' ca'.

⁴⁶Gaca ba lá'azxa Xránadxu Dios. Gaca ba Bénnea' dxucu'uje̱' neda'. Xegá'ana szrénqueze Dios, Bénnea' dxuselé̱' neda'.

⁴⁷Naca Dios Bénnea' dxebéaj lazre̱' benne' dxeledábague̱' neda', ne dxuzúe̱' benne' ca' zran ni'a.

⁴⁸Naque̱' Bénnea' dxuselé̱' neda' lu na' benne' ca' dxeledábague̱' neda'. Dxune̱' dxenná be'eda' benne' ca' guledábague̱' neda'. Bselé̱' neda' lu na' benne' xichaj zra'a ca'.

⁴⁹Chee̱ le̱ na' xeche̱ba' chiu', Xran, lau benne' xe̱zr la xu ca', na' gúl-laqueza' chee̱ Lau' Lue'.